ભારતીય નેવીનું મિગ-29K ગોવામાં ક્રેશ, પાઈલટને બચાવી લેવાયો

પણજી: ભારતીય નેવીનું મિગ 29K(MiG-29K) ફાઈટર વિમાન આજે તાલિમ દરમિયાન દુર્ઘટનાગ્રસ્ત થયું. ભારતીય નેવીએ એક નિવેદન બહાર પાડીને આ જાણકારી આપી. નિવેદન મુજબ પાઈલટ વિમાનમાંથી સુરક્ષિત રીતે કૂદી ગયો અને મળી ગયો છે. આ મામલે તપાસના આદેશ અપાયા છે. 

આ અગાઉ ગત વર્ષ 16 નવેમ્બરના રોજ એક મિગ 29ના ટ્રેઈની ફાઈટર વિમાન ડબોલિમ આંતરરાષ્ટ્રીય એરપોર્ટથી ઉડાણ ભર્યા બાદ તરત જ એક પક્ષી સાથે ટકરાવવાથી દુર્ઘટનાગ્રસ્ત થયું હતું. આ એરપોર્ટ પર ભારતીય નેવીના બેસ આઈએનએસ હંસનું સંચાલન થાય છે. વિમાનના બંને એન્જિન  ફેલ થયા બાદ બંને પાઈલટ સુરક્ષિત નીકળી ગયા હતાં. 

જુઓ LIVE TV

આ અગાઉ ગત વર્ષ માર્ચમાં રાજસ્થાનમાં ભારતીય વાયુસેનાનું મિગ 27 ફાઈટર પ્લેન ક્રેશ થઈ ગયું. સિરોહીના ગોડાણા ગામના બાંધ વિસ્તારમાં ફાઈટર પ્લેન ક્રેશ થઈને તૂટી પડ્યું.